FAKULTET HAQIDA MA’LUMOT

Fakultet maqsadi. Iqtisodiyot fakulteti iqtisodiyotimizning tarmoq va sohalarida ilg‘or tadqiqotlar hamda yuqori sifatli raqamli texnologiyalarni integratsiya qilgan yetakchi akademik va ilmiy-innovatsion markazdir. Fakultetning asosiy maqsadi — mehnat bozori talablariga va xalqaro standartlarga javob beradigan, raqamli iqtisodiyot ko'nikmalariga ega bo'lgan raqobatbardosh kadrlarni tayyorlash. Fakultet tarkiban quyidagi 3 ta kafedradan iborat:

1. Iqtisodiyot kafedrasi
2. Moliya kafedrasi
3. Turizm kafedrasi

Fakultet professor-o‘qituvchilarining umumiy soni 46 nafar bo‘lib, shundan:

- 4 nafar — Fan doktori (DSc);

- 20 nafar — Fan nomzodi va PhD;

- 7 nafar — Katta o‘qituvchilar;

- 15 nafar — O‘qituvchilar;

Fakultet tarixi. 1992-yil O‘zbekiston Respublikasining Prezidenti farmoni bilan Respublikamizdagi barcha Pedagogika institutlari universitetga aylanishi munosabati bilan Iqtisodiyot ta’lim yo‘nalishi ochildi. 1992-yil Iqtisodiyot mutaxassisligi geografiya mutaxassisligi bilan birlashtirilib, Iqtisodiyot-geografiya fakulteti tashkil etildi.

1993-1994 o‘quv yilida Moliya - kredit mutaxassisligi ochilib, mazkur fakultet talabalar soni ko‘paydi. 1995-yil Iqtisodiyot-geografiya fakultetidan Moliya-menejment fakulteti ajralib chiqdi. Shu yildan Iqtisodiyot fakulteti ham alohida fakultet sifatida faoliyat yurita boshladi. 2004-yil 8-iyuldagi Termiz davlat universitetining Ilmiy Kengash qarori hamda universitet rektori buyrug‘i bilan ikkita fakultet birlashtirilib, Iqtisodiyot-moliya fakulteti tashkil etildi. 2007-yil 5-iyulda O‘zbekiston Respublikasi Oliy va o‘rta maxsus ta’lim vaziri birinchi o‘rinbosari A.Parpiyevning ko‘rsatmasi va 2007-yil 30-noyabrdagi Universitet Ilmiy Kengash qarori hamda 2007-yil 28-dekabrdagi universitet rektor buyrug‘iga muvofiq Iqtisodiyot-moliya fakultetining nomi Ijtimoiy-iqtisodiy fakultetiga o‘zgartirildi. 2010-yil avgust oyidagi universitet Ilmiy Kengash qaroriga asosan Iqtisodiyot fakulteti deb nomlandi. 2015-yil sentabr oyidan boshlab, fakultetning nomi Ijtimoiy-iqtisodiy fakultet bo‘lib o‘zgargan. 2018-yil sentyabr oyidan boshlab fakultetning nomi Iqtisodiyot va turizm fakulteti deb atala boshlandi. 2023-yil noyabr oyidan yana qayta Iqtisodiyot fakulteti deb nomlandi.

Ushbu davrlarda fakultetga: professor U.U.Umarov, professor A.A.Ro‘ziyev, dotsent E.X.Avazov, dotsent B.J.Jo‘rayev, dotsent A.M.Qoraxonov, dotsent A.S.Oltiyev, dotsent O.X.Xatamov, dotsent O. A.Ro‘ziyev, dotsent M.A.Gadayshayev, dotsent F.X.Bahromov, i.f.n A.A.Avliyaqulov, dotsent E.X.Avazov, dotsent B.B.Imanov, i.f.n. A.E.Absamatov, dotsent M.A.Gadayshayev, i.f.n. Z.O.Samatov, i.f.n. A.E.Absamatov, professor O.A.Abdug‘aniyevlar rahbarlik qildi.

Fakultetning xalqaro hamkorlik faoliyati. Xorijiy filologiya fakulteti ta’lim sifatini xalqaro standartlarga moslashtirish, ilg‘or xorijiy tajribalarni tatbiq etish hamda ilmiy-akademik mobillikni ta’minlash maqsadida xalqaro hamkorlik faoliyatini izchil rivojlantirib kelmoqda. Bugungi kunda fakultet Yevropa va Osiyoning yetakchi oliy ta’lim muassasalari hamda nufuzli xalqaro tashkilotlari bilan ikki tomonlama shartnoma va anglashuv memorandumlari (MoU) doirasida faol aloqalarni yo‘lga qo‘ygan. Xususan, Germaniyaning Leypzig universiteti, DAAD akademik almashtirish xizmati, Britaniya Kengashi (British Council) hamda Fransuz Aliansi (Alliance Française) kabi markazlar bilan hamkorlikda o‘qituvchilarning kasbiy mahoratini oshirish, zamonaviy til o‘qitish metodikalarini joriy etish va qo‘shma ilmiy-tadqiqot loyihalarini amalga oshirish bo‘yicha samarali ishlar olib borilmoqda. Fakultetning xalqaro ta’lim makoniga integratsiyalashuvida Erasmus+ (CBHE va Credit Mobility) hamda xalqaro grant dasturlari alohida o‘rin tutadi. Ushbu dasturlar doirasida har yili talabalar, magistrantlar va professor-o‘qituvchilar Yevropa OTMlarida bir semestrdan bir o‘quv yiligacha bo‘lgan muddatda akademik mobillik asosida tahsil olish va malaka oshirish imkoniyatiga ega bo‘lmoqdalar. Shuningdek, fakultetda 60230100 – Filologiya va tillarni o‘qitish (rus tili) yo‘nalishi bo‘yicha xorijiy hamkor universitet bilan birgalikda qo‘shma ta’lim dasturi (Joint Degree) muvaffaqiyatli amalga oshirilib, talabalarga ikkita diplom olish va xalqaro akademik muhitda tajriba orttirish sharoiti yaratilgan. Akademik muhitni baynalmilallashtirish maqsadida fakultetga har o‘quv yilida Buyuk Britaniya, Germaniya, Fransiya va Yaponiya kabi mamlakatitlardan xorijiy mutaxassislar hamda taklif etilgan professorlar (Visiting Professors) jalb etilib, ular talabalarga ma’ruzalar o‘qiydi va amaliy mashg‘ulotlar o‘tkazadi. Fakultet alohida infratuzilma bilan ham ta’minlangan bo‘lib, uning qoshida Nemis resurs markazi, sinxron tarjima va zamonaviy lingafon laboratoriyalari hamda xalqaro til sertifikatlari (IELTS, Goethe-Zertifikat, DALF)ga tayyorlash markazlari faoliyat yuritadi. Ushbu tizimli sa’y-harakatlar fakultetning xalqaro jozibadorligini va bitiruvchilarning global mehnat bozoridagi raqobatbardoshligini oshirishga xizmat qilmoqda.